У гэтага паняцця ёсць і іншыя значэнні, гл. Першацвет (значэнні). У гэтага паняцця ёсць і іншыя значэнні, гл. Ключыкі.
Першацвет, Ключыкі (Prímula) — род раслін сямейства Першакветныя (Primulaceae) парадку Верасакветныя (Ericales). Большасць відаў — прыгожаквітнеючыя невысокія травы.
Назва паходзіць ад лацінскага слова prímus («першы») і тлумачыцца тым, што многія віды першацвету цвітуць ранняй вясной, аднымі з першых, часам яшчэ да таго, як цалкам сыдзе снег. Адсюль жа паходзіць і беларуская назва.
Прадстаўнікі роду першацвет — шматгадовыя, радзей двугадовыя і аднагадовыя травы.
Лісце суцэльнае, утварае прыкаранёвую разетку. Лісце маршчыністае і пакрытае валасінкамі.
Кветкі пяцічленныя, правільнай формы, разнастайных расфарбовак і адценняў, адзінкавыя або сабраны ў гронкападобныя або парасонападобныя суквецці на канцах безлісцевых сцеблаў.
Розныя віды першацвету даюць нектар, але з-за доўгай кветкавай трубачкі меданосныя пчолы збіраюць яго ў нязначнай колькасці.
Primula L. Species Plantarum 1: 142. 1753.
Род разбіваюць на 6 падродаў і 38 секцый[4]:
Aleuritia — 20 секцый
Aleuritia, Amethystina, Armerina, Capitatae, Cordifoliae, Crystallophlomis, Denticulata, Dryadifolia, Fedtschenkoana, Glabra, Minutissimae, Muscarioides, Oreophlomis, Petiolares, Proliferae, Pulchella, Sikkimensis, Soldanelloides, Souliei, Yunnanensis
Auganthus — 9 секцый
Auganthus, Bullatae, Cortusoides, Malvacea, Monocarpicae, Obconicolisteri, Pinnatae, Pycnoloba, Reinii
Auriculastrum — 4 секцыі
Auricula, Cuneifolia, Dodecatheon, Parryi
Carolinella — 3 секцыі
Carolinella, Chartacea, Davidii
Primula — 1 секцыя
Primula
Sphondylia — 1 секцыя
Sphondylia
Існуе не менш за 390[5] відаў першацветаў, растуць пераважна ва ўмераным клімаце.
Па інфармацыі базы дадзеных The Plant List, статус відаў Primula japonica A.Gray і Primula juliae Kusn. не вызначаны.
Па інфармацыі базы дадзеных The Plant List, від Primula macrocalyx Bunge лічыцца падвідам віду першацвет веснавы (Primula veris L.).