Пе́нці Ха́анпя (14 кастрычніка 1905, Піпала — 30 верасня 1955) — фінскі пісьменнік. У 1920-я гады далучыўся да літаратурнай групы «Агняносцы». Аўтар зборнікаў навел «Уздоўж гасцінца» (1925), «Вецер вее над намі» (1927), «Сучаснасць», у цэнтры якіх лёсы простых людзей, што воляй абставін апынуліся ў нялёгкіх жыццёвых сітуацыях. Раман «Гаспадары і цені гаспадароў» (1935), які малюе эканамічны крызіс 30-х гг. у Фінляндыі, зборнік апавяданняў «На пляцы і ў казарме» (1928), «Вучоны-атамшчык» (1950). Выступаў у абарону міру.