Падку́мак (руск.: Подку́мок)[1] — рака ў Расіі, на Паўночным Каўказе, у Карачаева-Чаркесіі і Стаўрапольскім краі, правы прыток ракі Кума (басейн Каспійскага мора).
Даўжыня ракі 160[1][2] км. Плошча вадазбору 2220[2] км². Сярэдні расход вады каля 8[1] м³/с. Выток ракі знаходзіцца на тэрыторыі Карачаева-Чаркесіі. Упадае ў Куму ў напрамку на поўнач ад горада Георгіеўск.
Прытокі: Хушту-Су, Эшкакон, Бярозавая, Аліконаўка, Вялікі Есентучэк, Бугунта (Вялікая Бугунта), Юрца і інш.
На рацэ гарады Кіславодск, Есентукі, Пяцігорск, Георгіеўск і шэраг іншых населеных пунктаў.