Кіславо́дск (руск.: Кисловодск) — горад (з 1903 года) у Расіі, у складзе Стаўрапольскага края. Насельніцтва 128,5 тыс. чалавек (2005). Заснаваны ў 1803 годзе. Бальнеакліматычны курорт федэральнага значэння ў групе Каўказскіх Мінеральных Вод.
Размешчаны ў паўночных перадгор’ях Вялікага Каўказа на вышыні 800—1069 м, за 234 км ад Стаўрапаля. Чыгуначная станцыя.
Прадпрыемствы харчасмакавай (у тым ліку разліванне мінеральнай вады «Нарзан»), лёгкай, мэблевай прамысловасці. У горадзе каля 40 санаторна-курортных устаноў.