Ота Фрыдрых Фердынанд фон Гёршэн (ням.: Otto Friedrich Ferdinand von Görschen; 12 красавіка 1824, Найрупін — 8 чэрвеня 1875, Эберсвальдэ) — прускі ваенны дзеяч.
Прытрымліваючыся прыкладу свайго бацькі Аўгуста Фрыдрыха фон Гёршэна (1794—1866), Ота абраў прафесію вайскоўца, пачаўшы сваю кар’еру ў 24-м пяхотным палку 6-й дывізіі, і ўжо ў 1864 годзе атрымаў званне капітана, узначаліўшы 6-ю роту. 16 студзеня 1866 года Гёршэну прысвоена званне маёра, пасля чаго ён быў адпраўлены ў 8-й Брандэнбургскі пяхотны полк.
У 1864 годзе Ота фон Гершэн прыняў удзел у Другой Шлезвігскай вайне, дзе вызначыўся ў бітве пры Дзюбёле.
Пасля двух раненняў у 1864 і 1870 гадах і наступнымі за гэтым захворванні ў 1872-м Гёршэн быў звольнены ў запас.
За ваенныя поспехі, дасягнутыя ў час вайны з Даніяй, Гёршэн узнагароджаны наступнымі ордэнамі:
Паводле дадзеных за 1868 год, Ота фон Гершэн і Альфрэд фон Левінскі (1831—1906) былі адзінымі афіцэрамі ў прускай арміі з першымі трыма вышэйзгаданымі ўзнагародамі. Будучы камандзірам другога батальёна Брандэнбургскага пяхотнага палка, ён пазней стаў кавалерам Жалезнага крыжа.
Быў жанаты на Эме Клары Элен Рыдэль (1845—1924), дачкі архіварыуса, гісторыка і палітыка Адольфа Фрыдрыха Ёгана Рыдэля (1809—1872). Ад гэтага шлюбу нарадзіліся трое дзяцей. Пасля яго ранняй смерці Эма Рыдэль фон Гершэн выйшла замуж за Эдуарда Тэмпельтэя (1832—1919).