У Вікіпедыі ёсць артыкулы пра іншых асоб з прозвішчам Паўлава. Ніна Міхайлаўна Паўлава (9 жніўня 1947, х. Красненскі, Сямікаракорскі раён(руск.) бел., Растоўская вобласць) — беларуская балерына. Народная артыстка БССР (1980)[1].
Скончыла Беларускае харэаграфічнае вучылішча ў 1966 годзе. З 1966 года салістка балета Дзяржаўнага тэатра оперы і балета БССР[1].
Гастралявала ў ВНР, ПНР, Турцыі, Кувейце[1].
Мастацтва Паўлавай прыцягвае лёгкасцю выканання складанейшых тэхнічных элементаў. Сярод партый: Зарэма («Бахчысарайскі фантан(руск.) бел.» Б. Асаф’ева), Эгіна («Спартак(руск.) бел.» А. Хачатурана), Ева («Стварэнне свету» А. Пятрова(руск.) бел.), Кармэн («Кармэн-сюіта(руск.) бел.» Ж. Біжэ — Р. Шчадрына), Адэта-Адылія, Аўрора («Лебядзінае возера(руск.) бел.» і «Спячая прыгажуня(руск.) бел.» П. Чайкоўскага), Кітры («Дон Кіхот» Л. Мінкуса), Жызель («Жызель(руск.) бел.» А. Адана), Доўрская дзева («Пер Гюнт» на музыку Э. Грыга)[1].