Ныса-Лужыцка, Нейсэ (чэшск.: Lužická Nisa, польск.: Nysa Łużycka, ням.: Lausitzer Neiße, н.-луж.: Łužyska Nysa, в.-луж.: Łužiska Nysa) — рака, якая працякае па тэрыторыі Чэхіі, Польшчы і Германіі, левабярэжны прыток ракі Одры.
Лужыцкая Ніса бярэ свой пачатак у Чэшскай Рэспубліцы ў Йізерскіх гарах у Нова-Вес-над-Нісай, на паўночны ўсход ад Ябланца-над-Нісай ля паўночнага падножжа горы Чорна-Студніцы. Там яна праходзіць праз Ябланец-над-Нісай, Ліберац і перасякае Хартаў, дасягаючы вышыні 234 м над узроўнем мора на нямецкай мяжы. У Чэхіі працягласць ракі складае 55 км, мясцовы вадазбор 360,5 км².