«Новая дарога» — штотыднёвая газета. Выдавалася ў 1942—1944 гадах у Беластоку на беларускай мове.
Выдавец — беластоцкае Беларускае нацыянальнае згуртаванне. Галоўны рэдактар — Хведар Ільяшэвіч.
Газета публікавала ваенныя зводкі, артыкулы на міжнародныя тэмы, агляды сацыяльна-эканамічнай сітуацыі на Беларусі, матэрыялы антысеміцкага, антыпольскага і антырускага характару. На старонках газеты змешчаны артыкулы пра гістарычных асоб, падзеі мінулага, старажытныя каштоўнасці, успаміны, звесткі па геаграфіі Беларусі, рэцэнзіі, асобныя творы беларускіх пісьменнікаў. Друкавалася хроніка культурнага жыцця, дапаможны вучэбны матэрыял, сельскагаспадарчыя парады.
Выйшла больш за 100 нумароў.