Не́ра[1], Растоўскае возера (руск.: Не́ро, Ростовское озеро[2]) — прэснаводнае возера на паўднёвым захадзе Яраслаўскай вобласці Расіі.
Плошча паверхні возера 54,4[3] (51,7[2]) км². Даўжыня 13 км, шырыня 8 км, глыбіня — да 3,6 (да 4[2]) м. Плошча вадазбору 1220[3] км². Берагі нізінныя. Дно пакрыта тоўстым пластом сапрапелю. Замярзае ў лістападзе, адкрываецца ў красавіку. Жыўленне змяшанае, з перавагай снегавога. На возеры Нера размешчаны горад Растоў (на заходнім беразе), пасёлак гарадскога тыпу Парэчча-Рыбнае.