Незабудка дробнакветкавая[3] (Myosotis stricta) — від кветкавых раслін роду Незабудка (Myosotis) сямейства Бурачнікавыя (Boraginaceae). Этымалогія: лац.: stricta — «сцягнуты, жорсткі»[4].
Аднагадовая травяністая расліна вышынёй ад 5 да 25 см; утварае прыкаранёвую разетку. Сцябло звычайна жорстка вертыкальнае і трохі апушанае. Лісце даўгаватае, тупое. Ніжняе лісце мае кароткія хвосцікі, а верхняе — сядзячае. Валасінкі на жылках ніжняй паверхні ліста маюць выгнуты кончык-кручок. Кветкі бледна-блакітныя. Вяночак мае дыяметр прыкладна ад 1,5 да 2 мм.
Ад Еўропы да Ірана і Паўночна-Заходняй Афрыкі.
Расце на пясчаных і камяністых, бедных пажыўнымі рэчывамі участках. Эфемер.