Нагорна-Карабахская Рэспубліка (арм.: Lernayin Gharabaghi Hanrapetut’yun — Լեռնային Ղարաբաղ Հանրապետություն), таксама Рэспубліка Арцах (арм.: Արցախի Հանրապետություն) — непрызнаная дзяржава, абвешчаная ў межах Нагорна-Карабахскай аўтаномнай вобласці і Шаўмянскага раёна Азербайджанскай ССР.
Знаходзіцца за 270 км на захад ад Баку і займае ўсходнія і паўднёва-ўсходнія раёны Малога Каўказа.
Агульная плошча рэгіёна (Нагорна-Карабахскай вобласці ў АзССР) 4400 км². Сталіца Сцепанакерт размешчана ў у паўднёва-заходняй частцы рэгіёна. Мардакерт — адміністрацыйны цэнтр паўночнага Карабаха, Мартуні — усходняга Карабаха. Аскеран размешчаны на паўночны ўсход ад Сцепанакерта.
10 снежня 1991 года армянскае насельніцтва тэрыторыі абвясціла незалежнасць ад Азербайджана і стварэнне Нагорна-Карабахскай Рэспублікі.
1992—1994 гады — Карабахская вайна.
2020 год — канфлікт у Нагорным Карабаху, у выніку якога НКР страціла значную частку тэрыторыі.
Нагорна-Карабахская Рэспубліка — прэзідэнцка-парламенцкая рэспубліка. Кіраўнік дзяржавы — прэзідэнт, выканаўчая ўлада належыць ураду на чале з прэм’ер-міністрам.
Прэзідэнт з 21 мая 2020 года — Араік Аруцюнян.
Заканадаўчы орган — Нацыянальны Сход, 33 месцы.
Пасля канфлікту ў Нагорным Карабаху 2020 года Нагорна-Карабахская Рэспубліка захавала кантоль над сталіцай Сцепанакертам і 3 раёнамі: Мартакерцкім, Аскеранскім і Мартунінскім.
У 1990 годзе — 200 тыс. чалавек, у т.л. 76 % армяне, 23 % азербайджанцы, астатнія рускія і курды.
У 2015 года па папярэдніх дадзеных перапісу складае — 150 932 чалавекі.
Пераважная большасць насельніцтва — вернікі Армянскай Апостальскай царквы.
Мраўскі хрыбет | Сарсангскае вадасховішча | Найбуйнейшая рака НКР — Тэртэр |