Навадзвінск[1] (руск.: Новодвинск) — горад (з 1977 года) у Расіі, у складзе Архангельскай вобласці. Насельніцтва 42,9 тыс. чалавек (2005). Заснаваны ў 1936 годзе як пасёлак пры цэлюлозна-папяровым камбінаце.
Горад размешчаны на левым беразе рэкі Паўночная Дзвіна, за 11 км ад чыгуначнай станцыі Ісакагорка, за 20 км на поўдзень ад Архангельска. Вядучыя прадпрыемствы горада — Архангельскі ЦПК, завод жалезабетонных вырабаў, Архангельскі фанерны завод.