Мішэль-Жан Седэн або Сёдэн (фр.: Michel-Jean Sedaine; 2 чэрвеня 1719, Парыж — 17 мая 1797, там жа) — французскі драматург, які ў свой час карыстаўся вялікай вядомасцю. Яго праславілі лібрэта французскіх камічных опер, якія дазваляюць прылічыць Седэна да стваральнікаў гэтай мастацкай формы ў яе канчатковым выглядзе.
Нягледзячы на бліскучы поспех сваіх п’ес на сцэне Камеды Франсэз, Седэн, будучы ўжо акадэмікам (з 1786 года), працягваў пісаць лібрэта. Рэвалюцыя адцягнула ад яго ўвагу публікі; ён памёр забыты і ў жабрацтве.