Мі́хнавіцкі сельсавет — былая адміністрацыйна-тэрытарыяльная адзінка ў складзе Калінкавіцкага раёна Гомельскай вобласці. Цэнтр — вёска Міхнавічы.
Утвораны 21 жніўня 1925 года як Клінскі сельсавет у складзе Калінкавіцкага раёна Мазырскай акругі БССР. Цэнтр — вёска Клінск. Пасля скасавання акруговай сістэмы 26 ліпеня 1930 года ў Калінкавіцкім раёне БССР. З 27 верасня 1930 года ў Мазырскім раёне БССР, з 21 чэрвеня 1935 года — Мазырскай акругі, з 20 лютага 1938 года — Палескай вобласці. У 1939 годзе цэнтр сельсавета перанесены ў вёску Міхнавічы. З 3 ліпеня 1939 года ў Калінкавіцкім раёне Палескай вобласці, з 8 студзеня 1954 года — Гомельскай вобласці. 1 кастрычніка 1973 года перайменаваны ў Міхнавіцкі сельсавет[1]. 20 лютага 1975 года ў склад Якімавіцкага сельсавета перададзена вёска Клінск[2]. 26 верасня 2006 года скасаваны, тэрыторыя далучана да Якімавіцкага сельсавета[3].
На момант скасавання ў склад сельсавета ўваходзілі 2 вёскі: Вецяльская і Міхнавічы.