У Вікіпедыі ёсць артыкулы пра іншых асоб з прозвішчам Кавалёў. Міхаі́л Прако́павіч Кавалё́ў (25 чэрвеня (7 ліпеня) 1897 — 31 жніўня 1967) — савецкі ваенны дзеяч, генерал-палкоўнік (1943).
У арміі з 1915 года. Падчас Першай сусветнай вайны камандаваў ротай і батальёнам, капітан[3].
У РСЧА з 1918 года. Удзельнік Грамадзянскай вайны — камандзір палка і брыгады. Ваенную адукацыю атрымаў у ваеннай акадэміі імя Фрунзе, скончыў у 1924 годзе. З 1938 года намеснік камандуючага войскамі Кіеўскай, камандуючы войскамі Беларускай, а са снежня 1940 года Харкаўскай ваенных акругаў. Камандаваў Беларускім фронтам ў ходзе Польскага паходу РСЧА ў 1939 годзе. У ходзе Савецка-фінляндскай вайны камандуючы 15-й арміяй.
Падчас Вялікай Айчыннай вайны быў на пасадзе камандуючага Забайкальскага фронта.