Забайкальскі фронт
Забайка́льскі фронт (скарочаныя назвы Заб. Ф, Забфронт) (15 верасня 1941 — 9 кастрычніка 1945) — фронт РСЧА падчас Другой сусветнай вайны. Колькасць Забайкальскага фронту на пачатак вайны складала звыш 600 тыс. чалавек[1].
Гісторыя
Забайкальскі фронт утвораны 15 верасня 1941 года на базе Забайкальскай ваеннай акругі.
У жніўні 1945 войскі фронту прынялі ўдзел у стратэгічнай Маньчжурскай аперацыі на хінгана-мукдэнскім накірунку. Спачатку яны пераадолелі бязводныя стэпы Унутранай Манголіі і прыгранічны ўмацаваны раён на калганскім, даланорскім, салуньскім і хайларскім напрамках. Затым, узаемадзейнічаючы з Мангольскай народна-рэвалюцыйнай арміяй разграмілі японскія войскі (44-я і 30-я арміі 3-га фронту, частка сіл 4-й асобнай арміі Квантунскай арміі, Суйюаньская вайсковая група). Пераадолелі хрыбет Вялікі Хінган і 19 жніўня выйшлі на мяжу Чжанцзякоу (Калган), Чэндэ (Жэхэ), Чыфэн, Шэньян (Мукдзен), Чанчунь і Цыцыкар. Пасля спынення японскай арміяй супраціву войскі фронту займаліся раззбраеннем і прыёмам капітуліруючых войскаў праціўніка.
9 кастрычніка 1945 года Забайкальскі фронт быў расфарміраваны. Палявое ўпраўленне фронту рэарганізавана ў ўпраўленне Забайкальска-Амурскай ваеннай акругі, з уключэннем у яго арміі Забайкальскага фронту. Мангольскія злучэнні і часці конна-механізаванай групы вярнуліся ў склад войскаў Мангольскай Народнай Рэспублікі.
Склад
Першапачаткова:
У наступным уваходзілі:
- 12-я паветраная армія (СССР) (1 жніўня 1942 г.)
- Забайкальская армія СПА (30 красавіка 1945)
- 39-я армія (СССР) (20 чэрвеня 1945)
- 53-я армія (СССР) (1 ліпеня 1945)
- 6-я гвардзейская танкавая армія (1 ліпеня 1945)
- Конна-механізаваная група генерал-палкоўніка І. А. Пліева (5 ліпеня 1945)
У перыяд Вялікай Айчыннай вайны Забайкальскі фронт накіраваў на савецка-германскі фронт 16 дывізій (11 стралковых, кавалерыйскую, тры танкавыя, мотастралковую) і дзве брыгады (стралковую і артылерыйскую). Усяго — каля 300 тыс. чалавек, больш за 2 тыс. гармат і мінамётаў, звыш 1,4 тыс. танкаў.
Камандаванне
Камандуючыя войскамі:
- генерал-лейтэнант (з мая 1943 г. генерал-палкоўнік) М. П. Кавалёў (ліпень 1941 г. — ліпень 1945 г.)
- Маршал Савецкага Саюза Р. Я. Маліноўскі (ліпень — кастрычнік 1945 г.).
Члены Ваеннага савета:
- карпусны камісар (з снежня 1942 генерал-лейтэнант) К. М. Зімін(руск.) бел. (верасень 1941 г. - ліпень 1944 г.)
- генерал-маёр К. Л. Сарокін(руск.) бел. (ліпень 1944 г. — ліпень 1945 г.)
- генерал-лейтэнант А. М. Цеўчанкоў(руск.) бел. (ліпень — кастрычнік 1945 г.).
Начальнікі штаба:
- генерал-лейтэнант Я. Р. Трацэнка(руск.) бел. (верасень 1941 г. — ліпень 1945 г.)
- генерал арміі Захараў М. В. (ліпень — верасень 1945 г.).
Мемуары
 |
Забайкальскі фронт на Вікісховішчы |
|---|
Зноскі
- ↑ Как мы готовились воевать с Японией Архівавана 18 студзеня 2017.
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Вікіпедыя·Запыты на пераклад з рускай
Катэгорыя·Вікіпедыя·Артыкулы з вікі-разметкай у малюнку карткі
Катэгорыя·Савецкія франты ў гады Вялікай Айчыннай вайны
Катэгорыя·Вікіпедыя·Спасылка на Вікісховішча непасрэдна ў артыкуле
Катэгорыя·Узброеныя сілы СССР