У Вікіпедыі ёсць артыкулы пра іншых асоб з прозвішчам Прышвін. Міхаіл Міхайлавіч Прышвін (руск.: Михаи́л Миха́йлович При́швин, 23.1(4.2).1873, маёнтак Хрушчова, цяпер Ялецкі раён, Ліпецкая вобласць — 16 студзеня 1954, Масква) — савецкі пісьменнік.
Нарадзіўся ў купецкай сям’і. Вучыўся ў Рыжскім палітэхнікуме ў 1893-97 гадах. За ўдзел у марксісцкіх гуртках быў арыштаваны. Скончыў агранамічнае аддзяленне Лейпцыгскага ўніверсітэта (1902). Падчас 1-й сусветнай вайны ваенны карэспандэнт, у 1917-18 гадах публіцыст, у 1918—1922 гадах сельскі настаўнік. Пачаў друкавацца ў 1898 годзе. Першае апавяданне апублікавана ў 1906 годзе. Працаваў аграномам. Шэраг паездак Прышвіна лёг у аснову яго падарожных нарысаў.