«Міраван» (англ.: Miravan Breaking Open the Tomb of his Ancestors in Search of Wealth, «Міраван ўзломлівае грабніцу сваіх продкаў») — карціна англійскага мастака Джозефа Райта, завершаная ў 1772 годзе.
Гісторыя Міравана апісваецца ў творы «Letters Concerning Taste» брытанскага пісьменніка і паэта Джона Гілберта Купера (англ.: John Gilbert Cooper)[1]. У гісторыі апісваецца, як знакаміты арабскі дваранін ўскрыў магілу аднаго са сваіх продкаў. Міраван наведваў магілу сваіх продкаў, калі ўбачыў на адной з грабніц надпіс, паводле якой у гэтай грабніцы ляжаць такія скарбы, якімі не валодаў сам Крэз, лідыйскі цар. Міраван з сквапнасці загадвае рабочым узламаць гэтую грабніцу[2]. На карціне паказаны нуда і агіда пры выглядзе таго, што надпіс быў толькі падманам (у грабніцы выявіліся толькі косці і смецце); надпіс у грабніцы абвяшчае, што ў гэтай Міравану ніколі не будзе спакою за парушэнне спакою пахаванага з-за ненасытнай любові да золата, і вечны супакой — вось той скарб, якім не валодаў Крэз[3]. Гэты аповяд перасцерагае ад пастаноўкі матэрыяльных каштоўнасцяў вышэй за ўсё іншае.
Гісторыя, па якой намалявана карціна, была апублікавана ў 1755 годзе [1]; сам Купер сцвярджаў, што ў яе сапраўдныя персідскія карані, якія не маюць строга вызначанай крыніцы. Аналагічная гісторыя была апісана ў Герадота — аб Дарыўсе, сына Хіспапсеса, які распячатаў магілу царыцы Вавілона Нікатрыс, якая пакідала распараджэнне не распячатваць сваю магілу без крайняй на тое неабходнасці. Дарыўс ўбачыў у грабніцы толькі цела царыцы і надпіс аб тым, што несквапны і не прагны да грошай ніколі не патрывожыў бы спакой мёртвых[4].
Джозеф Райт вядомы сваімі працамі з незвычайным асвятленнем; у гэтай карціне незвычайнасць асвятлення сумешчана з неагатычным стылем, таксама выкарыстаным Райтам у карціне «Дэмакрыт вывучае анатомію» (Democritus studying anatomy)[5],і з класічнымі вобразамі. Абедзве гэтыя карціны, як і «Філосаф пры святле лямпы», паказваюць знаёмства сваіх стваральнікаў з чалавечай анатоміі.
У 1772 годзе карціна была выгравіравана Валянцінам Грынам (Valentine Green), і, як і многія іншыя карціны Райта, з іх цёмнымі і светлымі часткамі, добра падыйшла для меца-тынта[6] (у выпадку дадзенай карцінай ёсць дзве крыніцы святла — месячнае святло, якое падкрэслівае драматычнасць сітуацыі, і алейная лямпа).
Карціна была пры жыцці Райта набыта містэрам Мілнам (Mr Milne, які, верагодна, быў з Вейкфілда)[7], і паступіла ў калекцыю Музея і мастацкай галерэі Дэрбі ў 1935 годзе дзякуючы дзяржаўнай фінансавай падтрымцы Вялікабрытаніі[1].