Міленка Ергавіч (харв.: Miljenko Jergović, нар. 28 мая 1966, Сараева) — харвацкі пісьменнік.
Вырас у Сараеве, скончыў філасофскі факультэт Сараеўскага універсітэта. Займаўся журналістыкай. У 1992 годзе як журналіст і выдавец пачаў супрацоўніцтва са штотыднёвікам «Nedjeljna Dalmacija». З 1993 года жыве і працуе ў Заграбе.
Дэбютаваў у 1988 годзе кнігай паэзіі Opservatorija Varšava. Першы і найвядомейшы зборнік апавяданняў «Сараеўскія Мальбара» (1994), пра жыццё ў ахопленай вайной Босніі і Герцагавіне, меў міжнароднае прызнанне.
Вершы і проза Ергавіча перакладзены на многія мовы.
Паасобныя творы на беларускую пераклаў Сяргей Шупа.