У Вікіпедыі ёсць артыкулы пра іншых асоб з прозвішчам Сільчанка. Мікалай Уладзіміравіч Сільчанка (4 сакавіка 1954, пасёлак Чырвоны Свет, Буда-Кашалёўскі раён, Гомельская вобласць, БССР — 28 сакавіка 2022) — беларускі юрыст, доктар юрыдычных навук, прафесар кафедры тэорыі і гісторыі дзяржавы і права Беларускага дзяржаўнага універсітэта.
Нарадзіўся 4 сакавіка 1954 года ў пасёлку Чырвоны Свет Буда-Кашалёўскага раёна Гомельскай вобласцi. Сярэднюю адукацыю атрымаў у Пенчынскай і Глазоўскай сярэдніх школах. Скончыў юрыдычны факультэт Балтыйскага федэральнага ўніверсітэта імя І. Канта ў 1975 г., аспірантуру Інстытута дзяржавы і права АН СССР у 1981 г., дактарантуру Беларускага дзяржаўнага універсітэта у 1992 г. З 1 верасня 1982 года працаваў старэйшым выкладчыкам, дацэнтам, загадчыкам кафедры тэорыі і гісторыі дзяржавы і права, загадчыкам кафедры тэорыі дзяржавы і права, дэканам юрыдычнага факультэта Гродзенскага дзяржаўнага універсітэта імя Я. Купалы. З 1 верасня 2014 года і да цяперашняга часу працуе прафесарам кафедры тэорыі і гісторыі дзяржавы і права Беларускага дзяржаўнага універсітэта. Кандыдацкая дысертацыя па тэме «Навуковыя асновы тыпалогіі нарматыўна-прававых актаў» па спецыяльнасці 12. 00. 01 абаронена ў спецыялізаваным савеце Д. 002. 09. 01. у Інстытуце дзяржавы і права АН СССР у 1981 г. Доктарская дысертацыя па тэме «Праблемы вяршэнства закона» па спецыяльнасці 12. 00. 01. Абаронена ў спецыялізаваным савеце Д. 057. 03. 07 ў Беларускім дзяржаўным універсітэце ў 1993 г.
Памёр 28 сакавіка 2022 года[1].
Сфера навуковай дзейнасці : тэорыя і гісторыя дзяржавы і права; гісторыя вучэнняў аб праве і дзяржаве; самакіраванне; юрыдычная навука і адукацыя. Прафесарам, доктарам юрыдычных навук Сільчанка М. У.:
Прафесар, доктар юрыдычных навук Сільчанка М.У з’яўляецца заснавальнікам і кіраўніком навукова — педагагічнай школы па тэорыі права і прыкладных прававых даследаваннях; падрыхтаваў трынаццаць кандыдатаў юрыдычных навук, трох лаўрэатаў і дзесяць пераможцаў рэспубліканскага конкурсу студэнцкіх навуковых работ. Уваходзіць у склад саветаў па абароне дысертацый Д. 02. 01. 01 і 02 Д. 01. 04 пры Беларускім дзяржаўным універсітэце.
Манаграфіі
Вучэбныя, вучэбна-метадычныя выданні
Артыкулы