Мора Дэйвіса (англ.: Davis Sea) — ускраіннае мора Індыйскага сектара Паўднёвага акіяна ля берагоў Антарктыды, паміж 87° і 98° у.д.
Абмывае Бераг Праўды — прыбярэжную частка Зямлі Каралевы Мэры. Плошча 21 тыс. км ². Глыбіня да 1300 м. Круглы год пакрыта лёдам. Салёнасць 33,0—33,5 ‰. У сярэдняй частцы мора Дэйвіса знаходзіцца востраў Дрыгальскага плошчай 204[1] км². Мора адкрыта ў 1912 годзе аўстралійскай антарктычнай экспедыцыяй 1911—1914 гг. пад кіраўніцтвам Д. Моўсана. Названа ў гонар капітана экспедыцыйнага судна «Аўрора» Дж. К. Дэйвіса.
13 лютага 1956 г. на ўзбярэжжы мора Дэйвіса, пачала працаваць першая пастаянная савецкая навуковая станцыя ў Антарктыдзе «Мірны».