Машко́ўскі сельсавет — былая адміністрацыйна-тэрытарыяльная адзінка ў складзе Аршанскага раёна Віцебскай вобласці. Цэнтр — вёска Машкова.
Утвораны 20 жніўня 1924 года ў складзе Аршанскага раёна Аршанскай акругі БССР. Пасля скасавання акруговай сістэмы 26 ліпеня 1930 года ў Аршанскім раёне БССР, з 20 лютага 1938 года — Віцебскай вобласці. 16 верасня 1960 года ў склад Веравайшанскага сельсавета перададзена вёска Арлоўшчына[1]. 29 снежня 1961 года скасаваны, тэрыторыя далучана да Пішчалаўскага (8 населеных пунктаў: Асінаўка, Багрынава, Васкрасенне, Корава, Машкова, Немерава, Папоўка і Слабада) і Веравайшанскага (3 населеныя пункты: Даўжаніцы, Падгайшчына і Стар) сельсаветаў[2].
На момант скасавання ў склад сельсавета ўваходзілі 11 населеных пунктаў.