Мачулішчы[2] — гарадскі пасёлак у Мінскім раёне Мінскай вобласці Беларусі. Насельніцтва 8546 чал. (2018)[3].
Знаходзяцца за 15 км на паўднёвы ўсход ад Мінска. Прыпыначны пункт чыгункі на лініі Мінск — Асіповічы.
Мачулішчы вядомыя з 1590 года як шляхецкая ўласнасць у складзе маёнтка Гатава. У 1600 годзе вёска Мочул, належала І. С. Корсаку, з 1791 года ўладанне каталіцкай царквы, з 1858 года дзяржаўная ўласнасць, у 1897 годзе вёска ў Сеніцкай воласці Менскага павета.
У 1924—1930 гадах Мачулішчы у Мінскай акрузе. З 1997 года гарадскі пасёлак.
У 2006 годзе ў падпарадкаванне Мачулішчанскаму пасялковаму Савету былі перададзеныя вёскі Аляксандрава і Мачулішчы. 21 снежня 2012 года была ліквідавана вёска Аляксандрава[4], 28 мая 2013 года яе тэрыторыя далучаная да Мачулішчаў[5]. 15 жніўня 2014 года была ліквідавана вёска Мачулішчы[6], 22 кастрычніка 2014 года яе тэрыторыя далучаная да Мачулішчаў[7].
Завод «Аэрамаш».
Геаграфічныя звесткі па тэме Мачулішчы на OpenStreetMap