wd wp Пошук:
    ⬜

    Мацвей Фёдаравіч Казакоў

    У Вікіпедыі ёсць артыкулы пра іншых асоб з прозвішчам Казакоў. Мацвей Фёдаравіч Казакоў (1738[4]—1812) — рускі архітэктар, які ў гады кіравання Кацярыны II перабудаваў цэнтр Масквы ў паладыянскім стылі[5]. Адзін з найбуйнейшых прадстаўнікоў рускай псеўдаготыкі. Распрацоўшчык праектаў тыпавой забудовы.

    Біяграфія

    Мацвей Казакоў нарадзіўся ў 1738 годзе ў Маскве, у сям’і падканцылярыста Галоўнага камісарыята Фёдара Казакова — выхадца з прыгонных. Сям’я Казаковых жыла каля Крамля, у раёне Баравіцкага моста. У 1749-м ці пачатку 1750-га года памёр бацька Казакова. Маці, Фядосся Сямёнаўна, вырашыла аддаць сына ў архітэктурную школу вядомага дойліда Д. В. Ухтомскага[6]; у сакавіку 1751 года Казакоў стаў вучнем у школе Ухтомскага і прабыў у ёй да 1760 года. З 1768 г. працаваў пад кіраўніцтвам В. І. Бажэнава ў Экспедыцыі крамлёўскага будаўніцтва; у прыватнасці, у 1768—1773 гг. ён удзельнічаў у стварэнні Вялікага Крамлёўскага палаца, а ў 1775 г. — у афармленні святочных забаўляльных павільёнаў на Хадынскім поле. У 1775 годзе Казакоў атрымаў званне архітэктара.

    Калі Бажэнаў па заданні Кацярыны II прыступіў у канцы 1760-х гадоў да рэалізацыі праекта рэканструкцыі Крамля, які прадугледжваў стварэнне на Баравіцкім узгорку грандыёзнага грамадскага цэнтра — «форума вялікай імперыі»; для расчысткі ўзгорка была знесена частка звернутага да Масквы-ракі ўчастку Крамлёўскай сцяны з шасцю вежамі. Падчас зносу Казакоў старанна абмяраў і замалёўваў аб’ект, а пасля таго, як імператрыца астыла да бажэнаўскага праекта, ён аднавіў знесеныя сцяну і вежы[7].

    Спадчына Казакова ўключае мноства графічных прац — архітэктурных чарцяжоў, гравюр і малюнкаў, у тым ліку «Забаўляльныя будовы на Хадынскім полі ў Маскве» (туш, пяро, 1774—1775; ДНДМА), «Будаўніцтва Пятроўскага палаца» (туш, пяро, 1778; ДНДМА).

    Казакоў праявіў сябе і як педагог, арганізаваўшы пры Экспедыцыі крамлёўскага будаўніцтва архітэктурную школу; яго вучнямі былі такія архітэктары, як І. В. Яготаў, А. М. Бакараў, В. І. Бавэ і І. Г. Таманскі. У 1805 годзе школа была ператворана ў Архітэктурнае вучылішча.

    Падчас Айчыннай вайны 1812 года сваякі павезлі Мацвея Фёдаравіча з Масквы ў Разань. Там дойлід даведаўся пра пажары Масквы — гэта вестка паскорыла смерць майстра. Казакоў сканаў 26 кастрычніка (7 лістапада) 1812 года ў Разані і быў пахаваны на могілкі (не захаваліся) Разанскага Траецкага манастыра[8].

    Яго імем у 1939 годзе была названа былая Гарохаўская вуліца ў Маскве. Таксама яго імем названа былая Дваранская вуліца ў Каломне. У 1959 годзе ў Керчы па ініцыятыве галоўнага архітэктара горада А. Марозава наваствораная вуліца стала насіць імя Казакова ў гонар яго 225-годдзя.

    Працы

    Шматлікія помнікі казакоўскай Масквы моцна пацярпелі падчас пажару 1812 года і былі адноўлены з адыходжаннямі ад першапачатковай задумы архітэктара. Аўтарства Казакова шматлікіх паладыянскіх пабудоў, асабліва пабудаваных па тыпавых праектах па-за межамі Масквы, меркаванае і вельмі спрэчнае (нягледзячы на сцвярджэнні, якія маюцца ў краязнаўчых выданнях).

    Прыпісваецца

    Зноскі

    1. 1 2 3 4 Белецкая Е. А. Казаков Матвей Федорович // Большая советская энциклопедия: [в 30 т.] / под ред. А. М. Прохорова — 3-е изд. — М.: Советская энциклопедия, 1969.
    2. 1 2 3 Кругасвет — 2000.
    3. 1 2 3 Encyclopædia Britannica
    4. ↑ У «Рускім біяграфічным слоўніку» А. А. Палаўцова — 1733.
    5. ↑ «Казакоў распрацаваў шэраг тыпаў гарадскіх жылых дамоў, „казённых“ (грамадскіх) будынкаў, якія арганізоўвалі вялікія гарадскія прасторы, і шмат у чым вызначылі архітэктурнае аблічча Масквы канца XVIII — пачала XIX стст., маштаб і характар яе далейшай забудовы» (Вялікая савецкая энцыклапедыя).
    6. ↑ Потапова, 1981, с. 164
    7. ↑ Кашницкий С. Достоинство не продаётся // Аргументы и факты. — 2011. — № 29 за 20 июля. — С. 47.
    8. ↑ Манастыры Разанскай вобласці. Горад Разань Архівавана 21 чэрвеня 2008..
    9. ↑ Аб’екты культурнай спадчыны Архівавана 31 студзеня 2012.
    10. ↑ Маўзалей у сяле Нікола-Пагарэлым

    Літаратура

    Спасылкі

    Тэмы гэтай старонкі (18):
    Катэгорыя·Вікіпедыя·Артыкулы з пераазначэннем значэння з Вікідадзеных
    Катэгорыя·Вікіпедыя·Артыкулы пра асоб, для якіх не існуюць старонкі віду «Імя Прозвішча»
    Катэгорыя·Архітэктары Масквы
    Катэгорыя·Нарадзіліся ў 1738 годзе
    Катэгорыя·Артыкулы пра архітэктараў без ілюстрацый на Вікісховішчы
    Катэгорыя·Архітэктары Каломны
    Катэгорыя·Архітэктары класіцызму
    Катэгорыя·Пахаваныя ў Разані
    Катэгорыя·Архітэктары паводле алфавіта
    Катэгорыя·Музей-запаведнік «Царыцына»
    Катэгорыя·Памерлі 6 лістапада
    Катэгорыя·Нарадзіліся ў Маскве
    Катэгорыя·Памерлі ў 1812 годзе
    Катэгорыя·Асобы
    Катэгорыя·Артыкулы пра архітэктараў без месца працы
    Катэгорыя·Архітэктары Расійскай імперыі
    Катэгорыя·Памерлі ў Разані
    Катэгорыя·Вікіпедыя·Артыкулы з крыніцамі з Вікідадзеных