wd wp Пошук: ⬜

Марчэла Мальпігі

Марчэла Мальпігі (італ.: Marcello Malpighi; 10 сакавіка 1628, Крэвалькорэ — 30 лістапада 1694, Рым) — італьянскі біёлаг і ўрач.

Адзін з заснавальнікаў мікраскапічнай анатоміі раслін і жывёл, праводзіў даследаванні ў вобласці гісталогіі, эмбрыялогіі і параўнальнай анатоміі.

Член Лонданскага каралеўскага таварыства (з 1668).

Акадэмічная кар’ера

У 17 гадоў паступіў у Балонскі ўніверсітэт, скончыў у 1653, атрымаўшы ступень доктара медыцыны.

У 1656 заняў пасаду прафесара ў гэтым універсітэце.

Неўзабаве стаў прафесарам тэарэтычнай медыцыны Пізанскага ўніверсітэта і на тры гады пераехаў у Пізу. У Пізе пазнаёміўся з Джавані Альфонса Барэлі, які аказаў вялікі ўплыў на погляды Мальпігі. Барэлі развіваў ідэі ятрафизікі, разглядаў фізіялагічныя і анатамічныя з’явы з пункту гледжання механікі.

У 1659 Мальпігі вярнуўся ў Балонню, з 1662 па 1666 быў прафесарам універсітэта ў Месіна, затым быў вымушаны вярнуцца назад у Балонскі ўніверсітэт, дзе выкладаў практычную медыцыну да 1691.

У 1691 Папа Інакенцій XII запрасіў Мальпігі ў Рым у якасці лекара. Выкладаў медыцыну ў Папскім каледжы.

Навуковыя творы

De Pulmonibus, 1661
Epistolae Anatomicae de Cerebro ac Lingua, 1665
De Externo Tactus Organo, 1665
De viscerum structura exercitatio anatomica, 1666
De polypo cordis, 1666
Dissertatio epistolica de bombyce, 1669
Anatomia Plantarum, 1671
De Formatione Pulli in Ovo, 1673
De ovo incubato, 1675
De Structura Glandularum Conglobatarum, 1689

Зноскі

1 2 Preti C. MALPIGHI, Marcello // Dizionario Biografico degli Italiani — 2007. — Vol. 68.
↑ Marcello Malpighi // Encyclopædia Britannica Праверана 9 кастрычніка 2017.
↑ Marcello Malpighi // Brockhaus Enzyklopädie
↑ Матэматычная генеалогія — 1997. Праверана 27 жніўня 2018.

Літаратура

Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2000. — Т. 10: Малайзія — Мугаджары. — 544 с. — 10 000 экз. — ISBN 985-11-0169-9 (т. 10), ISBN 985-11-0035-8. — С. 45.

Спасылкі