Сэр Марцін Джон Эванс (англ.: Martin John Evans; нар. 1 студзеня 1941) — англійскі навуковец.
Скончыў Кембрыджскі ўніверсітэт у 1963 годзе. Доктар філасофіі з 1969 года. У 1966—1978 гадах на даследчай і выкладчыцкай працы на кафедры анатоміі і эмбрыялогіі ва ўніверсітэцкім каледжы ў Лондане. У 1978—1999 гадах — працаваў на кафедры генетыкі Кембрыджскага ўніверсітэта. з 1999 года — прафесар генетыкі млекакормячых і дырэктар школы біялагічных навук Кардыфскага ўніверсітэта. Даследаванні Эванса прысвечаны пераважна вывучэнню уласцівасцяў эмбрыянальных ствалавых клетак.