Марсіліа Фічына, Marsilio Ficino (лац.: Marsilius Ficinus; 19 кастрычніка 1433, Фільінэ-Вальдарна, паблізу Фларэнцыі - 1 кастрычніка 1499, Карэджы, паблізу Фларэнцыі) — італьянскі філосаф, гуманіст, астролаг, заснавальнік і кіраўнік фларэнційскай платонаўскай акадэміі. Адзін з вядучых мысляроў ранняга Адраджэння, найбольш значны прадстаўнік фларэнційскага платанізму - кірунку, звязанага з аднаўленнем цікавасці да філасофіі Платона і накіраваны супраць схаластыкі, у асаблівасці супраць схаластызаванага вучэння Арыстоцеля.