Мало́па[1] (англ.: Molopo River, афр.: Moloporivier) — рака ў Паўднёва-Афрыканскай Рэспубліцы і часткова на мяжы з Батсванай, правы прыток ракі Аранжавая.
Даўжыня ракі каля 1000[2][3] км. Выток ракі знаходзіцца на плато Сярэдні Велд. Працякае па паўднёвай ускраіне пустыні Калахары. Сцёк ракі зменлівы. Сталы сцёк маецца да горада Мафікенг. Да 23° у. д. сцёк мае сезонны характар, далей рэчышча перасыхае. Вусце Малопа знаходзіцца непадалёк ад паўднёва-ўсходняй мяжы Намібіі[2].
Галоўныя прытокі: Насоб (правы) і Курумар (левы).
Вада з ракі выкарыстоўваецца на арашэнне.