Маладу́ша[1] (трансліт.: Maladuša, руск.: Малодуша) — вёска ў Рэчыцкім раёне Гомельскай вобласці. Уваходзіць у склад Вышамірскага сельсавета.
З назвай вёскі звязана Чырвонаслабодска-Маладушынская ступень — тэктанічная структура Прыпяцкага прагіну, а таксама Маладушынскае падняцце ў яе межах. Маладушынская зона падняццяў выдзяляецца на паверхні саляноснай тоўшчы, у межах яе знаходзіцца Маладушынскі вал, разведана Маладушынскае радовішча нафты. Маладушынскі разлом — рэгіянальнае таэктанічнае парушэнне, цягнецца ў субшыротным напрамку цераз Прыпяцкі прагін[2].
У 1926—1987 гадах цэнтр Маладушскага сельсавета. Да 2013 года вёска ўваходзіла ў склад Новабарсуцкага сельсавета[3].