Маладу́шскі сельсавет — былая адміністрацыйна-тэрытарыяльная адзінка ў складзе Рэчыцкага раёна Гомельскай вобласці. Цэнтр — вёска Маладуша.
Пасля другога ўзбуйнення БССР з 8 снежня 1926 года сельсавет у складзе Рэчыцкага раёна Рэчыцкай акругі БССР. З 9 чэрвеня 1927 года ў складзе Гомельскай акругі. 30 снежня 1927 года сельсавет узбуйнены, у яго склад увайшла тэрыторыя скасаванага Чырванавостраўскага сельсавета. Пасля скасавання акруговай сістэмы 26 ліпеня 1930 года ў Рэчыцкім раёне БССР. З 5 красавіка 1935 года ў складзе Хойніцкага раёна БССР. З 20 лютага 1938 года ў складзе Палескай вобласці, з 8 студзеня 1954 года — Гомельскай вобласці. 16 ліпеня 1954 года перададзены ў склад Рэчыцкага раёна[1]. 26 сакавіка 1987 года скасаваны, тэрыторыя далучана да Новабарсукоўскага (вёскі Лясное, Маладуша, Сяргееўка) і Ровенска-Слабадскога (вёскі Раманаўка і Смагарын) сельсаветаў[2].
На момант скасавання ў склад сельсавета ўваходзілі 5 населеных пунктаў.