wd wp Пошук: ⬜

Майкл Сміт

У Вікіпедыі ёсць артыкулы пра іншых асоб з прозвішчам Сміт.

Майкл Сміт (англ.: Michael Smith; 26 красавіка 1932, Блэкпул, Вялікабрытанія — 4 кастрычніка 2000, Ванкувер, Канада) — канадскі біяхімік англійскага паходжання, лаўрэат Нобелеўскай прэміі па хіміі (1993), якую ён падзяліў з Кэры Мулісам. Член Канадскага каралеўскага таварыства (1981), Лонданскага каралеўскага таварыства (1986), замежны член Нацыянальнай АН ЗША (1996). Доктар філасофіі (1956).

Біяграфія і навуковая праца

Майкл Сміт нарадзіўся ў англійскай горадзе Блэкпуле 26 красавіка 1932 г. У 1950 годзе паступіў ва Манчэстэрскі ўніверсітэт, там жа ў 1956 годзе зрабіў дысертацыю. Пасля абароны дысертацыі Сміт адправіўся ва Універсітэт Брытанскай Калумбіі ў Ванкуверы, дзе і прапрацаваў усё жыццё да сваёй смерці ў 2000 годзе. У 1987—1995 гг. быў дырэктарам створанай ім Лабараторыі біятэхналогій. З 1997 г. дырэктар Канадскага інавацыйнага фонду.

Майкл Сміт працаваў у галіне малекулярнай біялогіі, вынайшаў сайт-накіраваны мутагенез пры дапамозе алігануклеатыдаў, які надзвычай шырока выкарыстоўваецца ў сучаснай біялогіі.

Зноскі

1 2 Michael Smith (chemist) — 2010.
1 2 Michael Smith // Encyclopædia Britannica Праверана 9 кастрычніка 2017.

Літаратура

Корзун Б. В. Сміт Майкл // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2002. — Т. 15: Следавікі — Трыо. — С. 58. — 552 с. — 10 000 экз. — ISBN 985-11-0251-2 (т. 15), ISBN 985-11-0035-8.

Спасылкі