Маду́рская мова (саманазва Basa Mathura) — аўстранезійская мова, родная мова мадурцаў. Распаўсюджана галоўным чынам у Інданезіі. Агульная колькасць носьбітаў (2007 г.) - каля 15 млн. чал.
Мадурская мова прадстаўлена 6 буйнымі дыялектамі. Для ўсіх іх характэрны багатая лексічная запазычаннасць з яванскай мовы і вялікая колькасць глухіх зычных.
У мінулым мадурцы карысталіся яванскай пісьмовасцю, радзей — арабскай. У наш час найбольш распаўсюджана лацінка.