Ліст 28-мі — адкрыты ліст беларускіх вучоных і культурных працаўнікоў да Міхаіла Гарбачова, савецкага кіраўніка. Асвятляў катастрафічнае абмежаванне магчымасцей ужываць беларускую мову ў асвеце, культуры і штодзённым жыцці. Пратэстуючы проці дыскрымінацыі, аўтары высунулі праграму нацыянальнага Адраджэння — «паляпшэння стану роднай мовы, культуры і патрыятычнага выхавання» на Беларусі.
Ідэя, першапачатковы тэкст Змітра Санько і Яўгена Куліка. Ліст датаваны 15 снежня 1986 г., перададзены адрасату 20 снежня.