Ліндсей Ды Лохан (англ.: Lindsay Dee Lohan, МФА /ˈlɪnziː ˈloʊ.ən/, нар. 2 ліпеня 1986, Бронкс, Нью-Ёрк, ЗША) — амерыканская актрыса , спявачка , аўтар песень, дызайнер адзежы і мадэль. Яна пачала сваю кар’еру ў якасці мадэлі ва ўзросце трох гадоў, крыху пазней пачала здымацца ў кіно, знялася ў вялізнай колькасці рэкламных ролікаў. У 10 гадоў Ліндсей пачала іграць у тэлесерыялах, а ў 11 выканала галоўную ролю ў камедыі 1998 года «Пастка для бацькоў».
Праз 6 гадоў Ліндcей стала папулярнай кінаактрысай, сыграўшы галоўныя ролі ў фільмах «Шалёная пятніца» і «Паганыя дзяўчаткі».
Падчас здымкі «Вар’яцкіх гонак» Лохан выпусціла свой першы сольны музычны альбом «Speak». Яе другі альбом, «A Little More Personal (Raw)», выйшаў у 2005 годзе.
Кар’ера Ліндсей прыпынілася ў 2007 годзе праз два ДТЗ і тры візіты ў рэабілітацыйны цэнтр, актрыса страціла некалькі роляў. Аднавіўшы кар’еру, яна выступіла ў ролі запрошанай зоркі ў серыяле «Непрыгожая» у 2008 годзе і знялася ў фільме Роберта Радрыгеза «Мачэтэ» у 2009 годзе.
На Вікісховішчы ёсць медыяфайлы па тэме Ліндсей Лохан
lindsaylohan.com — афіцыйны сайт Ліндсей Лохан (англ.)
Ліндсей Лохан (англ.) на сайце Myspace
Ліндсей Лохан на сайце «Internet Movie Database» (англ.)