Луі-Леапольд Буальі (фр.: Louis-Léopold Boilly, 5 ліпеня 1761, Ла-Басэ, дэпартамент Нор — 4 студзеня 1845, Парыж) — французскі жывапісец і гравёр.
Луі-Леапольд Буальі нарадзіўся ў Ла-Басэ ў 1761 годзе, сын мясцовага скульптара па дрэве. Быў самавукам, пісаў карціны з 12 гадоў. Буальі шанавалі за яго здольнасці ў партрэтным жанры. Навучаўся тэхнічнаму прыёму трамплёй у Дамініка Данкрэ, перш чым пераехаць у Парыж каля 1787 года. Ён стварыў некалькі твораў у бытавым жанры, якія дэманструюць лад жыцця сярэдняга класа ў Францыі ў канцы XVIII — пачатку XIX стагоддзя. Быў узнагароджаны медалём парыжскага Салона ў 1804 годзе. У 1833 годзе стаў кавалерам Ордэна Ганаровага легіёна.
Сын Буальі Жульен Леапольд (1796—1874) таксама стаў жывапісцам, сын Альфонс (1801—1867) займаўся вырабам гравюр.