У Вікіпедыі ёсць артыкулы пра іншых асоб з прозвішчам Маралес.
Луіс дэ Маралес (ісп.: Luis de Morales; 1509, Бадахос — 9 мая 1586, Бадахос) — іспанскі мастак, адзін з самых яскравых прадстаўнікоў іспанскага маньерызму, старэйшы сучаснік Эль Грэка.
Біяграфія майстра шмат у чым меркаваная. Спецыялісты спрачаюцца аб месцы яго нараджэння (Бадахос або Севілья), Аб тым, дзе ён сфармаваўся як мастак, і называюць Севілью, Партугалію і Мілан.
Адчуў уплыў Рафаэля, Педра дэ Кампанья і мастакоў ламбардскай школы, за сваё мастацтва і прыхільнасць святым сюжэтам быў празваны сучаснікамі «Чароўным Маралесам».
Сярод твораў Маралеса — «Маці Божая з птушачкай» (1546, прыватны збор, Мадрыд), сцэны з жыцця Хрыста ў алтары царквы Нуэстра-Сеньёра-дэ-ла-Асуньсьён(ісп.) бел., Ароя-дэ-ла-Лус(ісп.) бел. (правінцыя Касерэс; 1563—1568), «Маці Божая з дзіцем і Янам Хрысціцелем» (1564—1566, Нацыянальны музей старадаўняга мастацтва(руск.) бел., Лісабон), «Святое сямейства» (1560-я гады, Іспанскае таварыства Амерыкі(ісп.) бел., Нью-Ёрк), «Маці Божая з дзіцем» (каля 1570, Прада), «Маці Божая Журботная» (Эрмітаж), «Малітва Святога Францыска Асізскага» (Кіеўскі музей заходняга і ўсходняга мастацтва(руск.) бел.).
Луіс дэ Маралес на Вікісховішчы |