wd wp Пошук: ⬜

Лукаш Бэндэ

Лукаш Бэндэ (1 лістапада 1903, в. Шчакоцк, цяпер Іванаўскі раён — 23 снежня 1961) — беларускі літаратурны крытык і літаратуразнавец.

Біяграфія

Нарадзіўся ў сялянскай сям’і. Скончыў Камуністычны ўніверсітэт Беларусі (1926). Працаваў у Віцебскім ветэрынарным інстытуце, Інстытуце мовы, літаратуры і мастацтва АН БССР, адначасова ў часопісе «Напагатове» і Дзяржаўным выдавецтве ў Ленінградзе і ў Ленінградскім тэатральным інстытуце, з 1935 — у Інстытуце рускай літаратуры («Пушкінскі Дом»), загадваў кафедрай рускай літаратуры Ленінградскага абласнога настаўніцкага інстытута. Член БелАПП. Член СП СССР (з 1934). У час Вялікай Айчыннай вайны служыў у войсках НКУС (Ленінград). З 1946 — выкладчык у педагагічных і настаўніцкіх інстытутах Даўгаўпілса, Ленінграда, Выбарга, Жытоміра, рэдактар Ленінградскага аддзялення Дзяржаўнага літаратурнага выдавецтва.

Пахаваны на Шувалаўскіх могілках у Ленінградзе.

Творчасць

Дэбютаваў у друку у 1925 годзе. Аўтар кніг «Янка Купала: Крытычны нарыс» (1932), «Андрэй Александровіч» (1932), шматлікіх артыкулаў і рэцэнзій у перыядычным друку. У 30-я гады склаў шэраг чытанак, хрэстаматый па беларускай літаратуры для школ.

Зноскі

Літаратура

Беларуская энцыклапедыя. У 18 т. Т. 3. — Мн., 1996.
Бэндэ Лукаш // Беларускія пісьменнікі (1917—1990): Даведнік / Склад. А. К. Гардзіцкі. Нав. рэд. А. Л. Верабей. — Мн.: Мастацкая літаратура, 1994. — 653 с.: іл. — ISBN 5-340-00709-X.
Бэндэ Лукаш // Беларускія пісьменнікі: Біябібліяграфічны слоўнік. У 6 т. / пад рэд. А. І. Мальдзіса. — Мн.: Беларуская Энцыклапедыя, 1992—1995.
Васюченко П. Сервилизм в беларуской советской литературе // Деды № 8. — 2011. — С. 45-66.
Корбут В. Бенде. Исполнитель и жертва : [О бел. лит. критике 1920-1930-х гг. Л. А. Бенде] / В. Корбут, В. Скалабан // Советская Белоруссия : СБ : Беларусь Сегодня. 2004, 13 марта. — С. 26.

Спасылкі

Тэмы гэтай старонкі (16):
Пісьменнікі паводле алфавіта
Купалазнаўцы
Літаратуразнаўцы Беларусі
Вікіпедыя:Пісьменнікі без мовы твораў
Нарадзіліся ў 1903 годзе
Асобы
Нарадзіліся ў Кобрынскім павеце
Вікіпедыя:Спасылка на Вікісховішча непасрэдна ў артыкуле
Члены Беларускай асацыяцыі пралетарскіх пісьменнікаў
Памерлі ў Санкт-Пецярбургу
Памерлі 23 снежня
Выкладчыкі Віцебскай дзяржаўнай акадэміі ветэрынарнай медыцыны
Нарадзіліся 1 лістапада
Пахаваныя ў Санкт-Пецярбургу
Супрацоўнікі Інстытута літаратуры імя Янкі Купалы НАНБ
Памерлі ў 1961 годзе