wd wp Пошук:
    ⬜

    Лубін мнагалісты

    Лубін мнагалісты[3] (Lupinus polyphyllus) — від кветкавых раслін сямейства Бабовыя (Fabaceae).

    Распаўсюджанне

    Лубін мнагалісты родам з заходняй Паўночнай Амерыкі, ад паўднёвай Аляскі і Брытанскай Калумбіі на ўсход праз Альберту і заходні Ваёмінг да штатаў Юта і Каліфорнія. Звычайна расце ўздоўж ручаёў і рэк, аддаючы перавагу вільготным месцам жыхарства.

    Апісанне

    Шматгадовая травяністая расліна з высокім (да 70 см) прамым і бароздавым, амаль голым, бліскучым сцяблом. Каранёвая сістэма стрыжневая, на каранях ёсць клубянькі з бактэрыямі, што здольныя засвойваць азот з паветра. Лісце пальчата-складанае, з 10-15 лісточкамі, на доўгіх хвосціках. Лісточкі складанага ліста ланцэтападобныя, каротказавостраныя, цэльнакрайнія, цёмна-зялёныя, зверху голыя, знізу прыціснута-дробнаваласістыя, па краі з цёмнымі вейчыкамі. Прылісткі шылападобныя, часта на 3/4 зрослыя з хвосцікамі, валасістыя, ападаюць.

    Кветкі (у колькасці 50-80) сабраны ў доўгія верхавінныя гронкі (да 50 см даўжынёй). Чашачка двухгубая, з суцэльнымі або дробназубчастымі долямі. Вяночак матыльковы, у тры разы даўжэй чашачкі, сіні, радзей чырвоны. Човен дзюбападобна выгнуты. Тычынак 10, зрослых паміж сабой тычынкавымі ніткамі, утвараючы так званую тычынкавую трубку, усярэдзіне якой знаходзіцца слупок. Завязь верхняя. Формула кветкі:

    ∗

    K

    5

    C

    1

    2

    ( 2 )

    A

    10

    G

    1

    {\displaystyle \ast K_{5};C_{1=2=(2)};A_{10};G_{1}}

    \{\displaystyle \ast K_\{5\}\;C_\{1=2=(2)\}\;A_\{10\}\;G_\{1\}\}.

    Боб — падоўжаны, вузкі, пляскаты, чорны, густаваласісты, двухстворкавы, паміж насенінамі ёсць папярочныя перагародкі. Цвіце ў маі-ліпені.

    Зноскі

    1. ↑ Ужываецца таксама назва Пакрытанасенныя.
    2. ↑ Пра ўмоўнасць аднясення апісанай у гэтым артыкуле групы раслін да класа двухдольных гл. артыкул «Двухдольныя».
    3. ↑ Киселевский А. И. Латино-русско-белорусский ботанический словарь.. — Минск: «Наука и техника», 1967. — С. 77. — 160 с. — 2 350 экз.

    Спасылкі

    Тэмы гэтай старонкі (2):
    Катэгорыя·Лубін
    Катэгорыя·Расліны паводле алфавіта