wd wp Пошук: ⬜

Леў Іванавіч Талбузін

Леў Іванавіч Талбузін (28 сакавіка 1942, п. Азінкі, Саратаўская вобласць, РСФСР) — беларускі дызайнер, скульптар.

Біяграфія

Скончыў Беларускую дзяржаўную акадэмію мастацтваў кафедру прамысловага мастацтва ў 1970 г. Вучыўся ў І. Герасіменкі. Удзельнік мастацкіх выставак з 1970. Выкладчык кафедры прамысловага дызайну з 1970 года, дацэнт. Член Саюза мастакоў Беларусі з 1995 года, Саюза дызайнераў Беларусі з 1998 года[1].

Узнагароды

Узнагароджаны медалём 100 гадоў БНР Рады Беларускай Народнай Рэспублікі [2].

Творчасць

Працуе ў галіне дэкаратыўна-прыкладнога і медальернага мастацтва, арт-дызайну, скульптурнай пластыкі. Асноўныя работы: медалі «Мікола Гусоўскі», «Алесь Адамовіч», «Чэскі манетны двор», «Сіметрыя»; кафля для станцыі метро «Плошча Я.Коласа»; скульптурны эталон герба «Пагоня». Творы знаходзяцца ў Нацыянальным мастацкім музеі Беларусі, Літаратурным музеі М.Багдановіча [1].

«Подых антычнасці». Кампазіцыя з 30 работ. Матэрыял: фарфор;
«Знічкі». Рэльеф. Матэрыял: фарфор, эмаль, бісквіт;
«Свята-Духава царква ў Мінску». Матэрыял: фарфор;
«Ліхтары мінулага часу». Інсталяцыя;
«Кубоід». Мобіль. Матэрыял: стальны дрот(160х160см);
Скульптурны рэльеф «Матрыца». Матэрыял: камбінаваны (дрэва, метал, пластмаса);
Медаль, прысвечаны 60-годдзю БелДАМ. Сумесна з Б. Баразной і Л. Баразной;
«Дзве сіметрыі». Пластыка з модульных элементаў(80х80см);
Плакета «Троіцкі касцёл у Ішкалдзі» (16х26см). Матэрыял: фарфор (бісквіт);
Плакета «Адлюстраванне»(16х26см). Матэрыял: фарфор(бісквіт);
Кампазіцыя каганцоў «Лайт-дызайн» (15 шт.). Матэрыял: фарфор;
Медаль «Язэп Драздовіч» (дыяметр 88 мм). Матэрыял: фарфор;
Медаль «Максім Багдановіч» (двухбаковая). Матэрыял: бронза;
Медаль «Ігар Стравінскі» (двухбаковая). Матэрыял: бронза;
Медаль «Мірскі замак». Матэрыял: бронза;
Медаль «2000-годдзю хрысціянства». Матэрыял: бронза;
Афармленне станцыі метро «Плошча Якуба Коласа», 1984 г. (у сааўтарстве).
Распрацоўка трох апаратаў штучнага кровазвароту АШК ’’Мінск-3’’, 1972 г.;

Публікацыі

«Аўтамабіль—рэч мастацкая», часопіс «Беларусь», 2004, № 7;
«Аб творчасці», часопіс «ПРО дизайн», 2004, № 12

Зноскі

Літаратура

Талбузін Леў Іванаваіч // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2002. — Т. 15: Следавікі — Трыо. — 552 с. — 10 000 экз. — ISBN 985-11-0251-2 (т. 15), ISBN 985-11-0035-8.