Лемюэль Фрэнсіс Абат (англ.: Lemuel Francis Abbot; каля 1760 года, Лестэршыр — 5 снежня 1802, Лондан) — англійскі партрэтны жывапісец, вядомы сваім партрэтам Гарацыа Нельсана, выстаўленым у рэзідэнцыі англійскага прэм’ер-міністра.
Родам з Лестэршыра. Сын святара. З 1775 года вучань Фрэнсіса Хеймана ў Лондане; вярнуўся да бацькоў у 1776 годзе, калі настаўнік памёр. Працягваў займацца самастойна. У 1780 годзе Абат ажаніўся з Ганнай Марыяй і зноў пасяліўся ў Лондане. Выстаўляўся ў Каралеўскай Акадэміі мастацтваў.
Вядомыя творы — партрэты Купера і Нельсана, партрэты іншых афіцэраў каралеўскага флота і літаратараў XVIII стагоддзя.