Лестэршыр (англ.: Leicestershire) — графства ў цэнтральнай Англіі. Назва паходзіць ад найбольшага горада Лестэр, які гістарычна з’яўляецца сталіцай графства, хоць насамрэч горад мае асобнае ад астатняга Лэстэршыра кіраўніцтва. Графства мяжуе з Дэрбішырам на паўночным захадзе, з Нотынгемшырам на поўначы, Рутлендам на ўсходзе, Уорвікшырам на паўднёвым захадзе, Стафардшырам на захадзе, Лінкальншырам на паўночным усходзе, і з Нортгемптаншырам на паўднёвым усходзе.
Муніцыпалітэт графства знаходзіцца ў Гленфілдзе, прыкладна за 5 км на паўночны захад ад цэнтру Лэстэра. Тут знаходзіцца Савет графства Лестэршыр і адміністрацыя графства.
Насельніцтва 640,800 чалавек (16-е месца сярод неметрапольных графстваў; даныя 2007 г.).
Агульная плошча тэрыторыі 2156 км² (28-е месца); тэрыторыя адміністрацыйнай вобласці — 2083 км² (20-е месца).