У Вікіпедыі ёсць артыкулы пра іншых асоб з прозвішчам Ісаевіч. Леанід Аляксандравіч Ісаевіч (нар. 29 сакавіка 1943, в. Ляды, Смалявіцкі раён, Мінская вобласць) — беларускі спецыяліст у галіне апрацоўкі металаў ціскам, парашковай металургіі і кампазіцыйных матэрыялаў. Доктар тэхнічных навук (1988), прафесар (1990).
Скончыў Беларускі політэхнічны інстытут (спецыяльнасць «Машыны і тэхналогія апрацоўкі матэрыялаў ціскам», 1967; аспірантура, 1974).
Навуковыя інтарэсы: тэорыя і тэхналогія пластычнага дэфармавання суцэльных і порыстых асяроддзяў на основе металаў і сплаваў. Працаваў на Мінскім аўтамабільным заводзе (1967—1970), выкладчыкам Беларускага нацыянальнага тэхнічнага ўніверсітэта (з 1975 года, механіка-тэхналагічны факультэт, кафедра «Машыны і тэхналогія апрацоўкі металаў ціскам», прафесар, у 1990—2007 гадах — загадчык кафедры).