Ластая́нка, Вішнёўка[1] — рака ў Беларусі, у Смаргонскім і Ашмянскім раёнах Гродзенскай вобласці і Валожынскім раёне Мінскай вобласці, правы прыток ракі Заходняя Бярэзіна (басейн Нёмана).
Даўжыня ракі 18 км. Плошча вадазбору 157 км². Сярэдні нахіл воднай паверхні 2,9 м/км. Бярэ пачатак за 1 км у напрамку на ўсход ад вёскі Загарняты[2]. Вадазбор на поўдні Ашмянскага ўзвышша.
Прытокі: Вішнёўка (левы) і Слабодка (правы)[2].