У Вікіпедыі ёсць артыкулы пра іншых асоб з прозвішчам Трыер.
Ларс фон Тры́ер (дацк.: Lars von Trier, імя пры нараджэнні Lars Holbæk Trier; нар. 30 красавіка 1956, Капенгаген, Данія) — дацкі кінарэжысёр і сцэнарыст. Адзін з аўтараў маніфеста «Догма 95». Меркаванні крытыкаў адносна яго работ часта дыяметральна разыходзяцца.
Трыер пачаў ствараць кіно ў 11 гадоў. Перыядычна церпіць на дэпрэсію, а таксама на размаітыя фобіі, у прыватнасці на аэрафобію. Яго першы публічны фільм выйшаў у 1977 годзе — кароткаметражная стужка «Садоўнік, які вырошчвае архідэі», а праз 7 гадоў выйшла першая поўнаметражная карціна «Элемент злачынства» (1984). Сярод мноства ўзнагарод, прызоў і намінацый Ларса фон Трыера вылучаюцца «Залатая пальмавая галіна» (за фільм «Танцорка ў цемры»), гран-пры і прыз журы Канскага кінафестывалю.