wd wp Пошук: ⬜

Лазар Маркавіч Лісіцкі

Лазар Маркавіч (Мордухавіч) Лісіцкі (10 (22) лістапада 1890 г., с. Пачынок, Смаленская губерня (цяпер Смаленская вобласць) — 30 снежня 1941 г., Масква) — савецкі мастак і архітэктар, таксама шырока вядомы як «Эль Лісіцкі».

Эль Лісіцкі адзін з выдатных прадстаўнікоў рускага і яўрэйскага авангарда. Сумесна з Казімірам Малевічам распрацоўваў асновы супрэматызму.

У 1918 годзе ў Кіеве Лісіцкі стаў адным з заснавальнікаў «Култур-лігэ» (ідыш: ліга культуры) - авангарднага мастацкага і літаратурнага аб’яднання, якія ставілі сваёй мэтай стварэнне новага яўрэйскага нацыянальнага мастацтва. У 1919 годзе па запрашэнні Марка Шагала пераехаў у Віцебск, дзе выкладаў у Народным мастацкім вучылішчы (1919—1920).

У 1917—1919 гадах Лісіцкі прысвяціў сябе ілюстрацыі твораў сучаснай яўрэйскай літаратуры і ў асаблівасці дзіцячай паэзіі на мове ідыш, стаўшы адным з заснавальнікаў авангарднага стылю ў яўрэйскай кніжнай ілюстрацыі. У адрозненне ад схільнага да традыцыйнага яўрэйскага мастацтва Шагала, з 1920 года Лісіцкі пад уплывам Малевіча звярнуўся да супрэматызму.

Зноскі

1 2 Лисицкий Лазарь Маркович // Большая советская энциклопедия: [в 30 т.] / под ред. А. М. Прохоров — 3-е изд. — М.: Советская энциклопедия, 1969. Праверана 28 верасня 2015.

Літаратура

Знаменитые русские художники: Биографический словарь. — СПб.: Азбука, 2000. — С. 154—156. — 400 с. — 10 000 экз. — ISBN 5-7684-0518-6. (руск.)

Спасылкі

На Вікісховішчы ёсць медыяфайлы па тэме Эль Лісіцкі
Лисицкий Лазарь Маркович Архівавана 28 ліпеня 2014. // Вялікая савецкая энцыклапедыя (руск.)
Лазар Маркавіч Лісіцкі у бібліятэцы «Старацель»
Гаворыць Масква. Эль Лісіцкі
Агітацыйныя плакаты Клуцыса і Лісіцкага і візуальны сталінізм Архівавана 6 чэрвеня 2008.
Ілюстрацыі Э. Лісіцкага да кніг на ідышы
Ілюстрацыі Элю Лісіцкага да казак Г. Х. Андэрсана ў перакладзе на ідыш Дэр Ністэра Архівавана 8 красавіка 2015.
Відэарэпартаж пра друкарню Элю Лісіцкага