Кіта Лоранц (в.-луж.: Kito Lorenc; 4 сакавіка 1938, Слепё, Германія — 24 верасня 2017, Баўтцэн) — сербалужыцкі паэт, перакладчык.
Вышэйшую адукацыю атрымаў у Лейпцыгу. 3 1961 працаваў у Інстытуце сербалужыцкага народазнаўства ў Будзішыне, з 1973 у Дзяржаўным ансамблі сербалужыцкай культуры.
Друкуецца з 1959. У зборніках «Новы час — новыя радасці» (1961), «Струга» (1967), «Ключы і дарогі» (1971), «Землеўпарадкаванне» (1972) уздымаў маральна-экалагічныя праблемы. Зборнікам «Ты каля мяне» (1988), «Супраць вялікага пудзіла» (1990) уласцівы іранічны пачатак, мадэрнісцкія прыёмы. У 1965 наведаў Беларусь, напісаў цыкл вершаў «3 падарожжа ў Беларусь у 1965». Аўтар артыкула «Слова „серб“ ад „сябра“ паходзіць» (1965).
Пераклаў на верхнялужыцкую мову камедыю Я. Купалы «Паўлінка» (з А. Наўкам), асобныя вершы Я. Купалы, М. Танка, Н. Гілевіча, А. Зарыцкага. На беларускую мову яго творы перакладалі М. Танк, Н. Гілевіч, А. Зарыцкі, А. Траяноўскі.
Лаўрэат прэміі «Дамавіна».