Куюрга́зінскі раён (руск.: Куюргазинский район; башк.: Көйөргәҙе районы) — адміністрацыйна-тэрытарыяльная адзінка на паўднёвым захадзе Башкартастана ў Расіі. Адміністрацыйным цэнтрам з’яўляецца сяло Ермалаева.
Куюргазінскі раён мяжуе з Кугарчынскім, Фёдараўскім і Меляузаўскім раёнамі, а таксама з Арэнбургскай вобласцю. Плошча раёна складае 2235,42 км².
Куюргазінскі раён быў утвораны 31 студзеня 1935 года ў адпаведнасці з пастановай УЦВК.
Насельніцтва раёна станам на 2017 год складала 23360 чалавек. Паводле перапісу 2010 года большасць складаюць башкіры (42,6 %), далей ідуць рускія (32,7 %), татары (14,6 %) і чувашы (7,3 %).