Кумяртаў (руск.: Кумертау) — горад (з 1953) у Расіі, у складзе Башкартастана. Насельніцтва 63,9 тыс. чал. (2005). Заснаваны ў 1948 годзе. Размешчаны за 250 км на поўдзень ад Уфы. Чыгуначная станцыя.
У цяперашні час вядзецца здабыча і апрацоўка бурага вугля (Бабаеўскае радовішча, камбінат «Башкірвугаль»). Машынабудаванне (вытворчасць вальцовых млыноў, пякарнага абсталявання і інш.), авіяцыйная (вытворчасць верталётаў Ка-32, Ка-226), харчовая (рыбная і інш.) прамысловасць; брыкетная і лыжная фабрыкі. ЦЭЦ.