wd wp Пошук: ⬜

Ксенія Міхайлаўна Сітнік

У паняцця ёсць і іншыя значэнні, гл. Сітнік. Ксенія Міхайлаўна Сітнік (н. 15 мая 1995, Мазыр, Беларусь) — беларуская спявачка, тэлевядучая, журналіст. Лаўрэат дзіцячага конкурсу песні «Еўрабачанне» 2005 года, што праходзіў у бельгійскім горадзе Хаселт [2].

Біяграфія

Ксенія Міхайлаўна Сітнік нарадзілася 15 мая 1995 г. у Мазыры. Маці Ксеніі — Святлана Стацэнка — працавала мастацкім кіраўніком у студыі эстраднага спеву «ЮМЭС». Бацька Ксеніі, Міхаіл Сітнік — бізнэсмэн[3].

У 1998 годзе Ксенія паступіла ў ДУ № 34 г. Мазыра. У 2000 годзе яна перамагла на конкурсе «Міс Верасок»[4]. У 2001 годзе пачала займацца ў студыі эстраднага спеву «ЮМЭС», кіраўніцаю якой была яе маці[2].

Ксенія Сітнік удзельнічала ў многіх конкурсах[5]. У 2004 годзе на Міжнародным фестывалі дзіцячага мастацтва «Залатая пчолка» (Клімавічы) Ксенія стала ўладальнікам дыплому першай ступені. У 2005 годзе яна стала пераможцаю ў гарадской алімпіядзе па рускай мове. У ліпені таго ж года Ксенія перамагла ў дзіцячым конкурсе ў рамках фестывалю Славянскі базар у Віцебску [6], што прынесла ёй знакамітасць у Беларусі. Пасля гэтага Ксенія стала знаёма таксама ў Расіі, Польшчы і Германіі, дзякуючы ўдзелу на шматлікіх конкурсах і фестывалях[7].

У лістападзе 2005 года Ксенія Сітнік пераможна прадставіла Беларусь на дзіцячым Еўрабачанні з песняю «Мы вместе». А праз год, 26 лістапада 2006 года адбылася прэзентацыя яе дэбютнага альбому, таксама названага «Мы вместе»[8].

У снежні 2005 года Ксенія сыграла галоўную ролю ў навагоднім мюзікле «Зорная ноч-2006». У мае 2006 года з’явіўся першы кліп спявачкі на песню «Маленький кораблик». Пазней з’явіліся кліпы на песні «Простая песенка» і «Нон-стоп».

Ксенія Сітнік вучылася ў мінскай гімназіі № 8 (скончыла ў 2013 годзе з адзнакай)[4] і у мінскай музычнай школе № 10 (скончыла ў 2010 годзе). Да мая 2009 года была вядучай перадачы «Наша пяцёрачка» беларускага тэлеканала «Лад», пакуль перадача не была закрыта; па афіцыйным дадзеным, перадачу было вырашана закрыць, таму што Ксенія пасталела[9].

15 мая 2010 года, на пятнаццаты дзень нараджэння Ксеніі, у Мінску быў прадстаўлены яе другі сольны альбом «Республика Ксения»[10].

У 2017 годзе Ксенія Сітнік скончыла Англа-Амерыканскі Універсітэт у Празе, дзе вучылася на журналіста, і атрымала вучоную ступень бакалаўра [11]. Зараз працуе журналістам-фрылансерам у сферы моды[12][13].

Дыскаграфія

2006 — «Мы вместе»
2010 — «Республика Ксения»

Зноскі

↑ https://www.sb.by/articles/umnitsa-kseniya-sitnik.html
1 2 Ігар Карней. Чаму Ксенія Сітнік сьпявала не па-беларуску?// Радыё «Свабода». 28 лістапада 2005
↑ Виктория ПОПОВА. Умница Ксения Ситник(руск.) . Савецкая Беларусь (14 кастрычніка 2005). Праверана 3 лістапада 2016.
1 2 Екатерина ПРИХОДЬКО. Ксюша Ситник: от маленькой кокетки до дивной студентки(руск.) . Камсамольская Праўда (8 кастрычніка 2014). Праверана 3 лістапада 2016.(недаступная спасылка)
↑ Ольга Артишевская. С победой, Ксюша! (нявызн.), Вячэрні Мінск (27 лістапада 2005). Праверана 5 сакавіка 2013. Архівавана 4 сакавіка 2016.
↑ Ксения Ситник “Мы вместе” - победитель (нявызн.). Детское евровидение 2005, Хассельт. Сайт Еўрабачанне-Казахстан. Архівавана з першакрыніцы 27 лютага 2013. Праверана 18 лютага 2013.
↑ Ксения Ситник, 10 лет (Беларусь) (нявызн.). Участники. vitebsk.by. Архівавана з першакрыніцы 27 лютага 2013. Праверана 18 лютага 2013.
↑ Ксюша Ситник презентует свой сольный альбом (нявызн.), Інтэрфакс-Захад (17 лістапада 2006). Праверана 7 лістапада 2016. Архівавана 9 верасня 2018.
↑ Татьяна Пастушенко. Ксения Ситник переросла программу “Наша пятерочка” - Кухто (нявызн.), БЕЛТА (5 лістапада 2009). Праверана 7 лістапада 2016.
↑ Ксения Ситник: Выход нового альбома для меня — это очень важное, даже грандиозное событие(руск.) (недаступная спасылка). БелаПАН (16 мая 2010). Архівавана з першакрыніцы 20 чэрвеня 2017. Праверана 7 лістапада 2016.
↑ Фотофакт. Ксения Ситник окончила университет в Праге (нявызн.), TUT.BY (28 ліпеня 2017). Праверана 21 сакавіка 2018. Архівавана 7 жніўня 2020.
↑ Ковальчук, Виктория. “Мой вес не меняется с 15 лет, стабильно 40 килограммов”. ЗОЖ повзрослевшей Ксении Ситник (нявызн.), TUT.BY (16 лістапада 2017). Праверана 12 снежня 2017. Архівавана 29 сакавіка 2019.
↑ Дарья Спевак. Как живут герои детского «Евровидения» сегодня: Сацюк, Жигалкович, Ситник(руск.) . Onliner.by (16 жніўня 2015). Праверана 7 лістапада 2016.

Спасылкі

На Вікісховішчы ёсць медыяфайлы па тэме Ксенія Міхайлаўна Сітнік
(руск.) Ксенія Сітнік на Voteactors.ru Архівавана 20 жніўня 2011.
(руск.) Ксенія Сітнік на kids’music