Ко́нчыцкае[1] — возера ў Беларусі, у Пінскім раёне Брэсцкай вобласці, у басейне ракі Піна, за 18 км на паўднёвы захад ад Пінска, каля вёскі Кончыцы.
Плошча паверхні 0,51 км². Найбольшая глыбіня 8,3 м. Даўжыня 1,17 км. Найбольшая шырыня 0,7 км, Даўжыня берагавой лініі 3,05 км. Схілы катлавіны вышынёй да 2 м, разараныя, на захадзе і ўсходзе пад хмызняком. Берагі ўчасткамі забалочаныя. Злучана каналам з ракой Піна.